على كفي..على دربي..
على صفحه من الدفتر
نقشت حروفك العذرا على شريان من دمي
وجيتك عاشق هارب..
عن همومي معك بسهر
أبشكي لك وافضفض لك
بقربك ينجلي همي
أزخرف حبنا الوردي..
على جدران من مرمر
وألونها وأشكلها..وأحط
اسمك قبل اسمي
غرامك كل يوم يزيد ..
وتكبر والغلا يكبر
يجسد حبي الواقع..بعد ليل العنا الوهمي
أشوفك مع شروق الشمس.. اشوفك والشفق أحمر
تذكرني بهمساتك.. بلابل
صبحي الوسمي
وأنادي يابعد عمري.. ترى بعد الأمل يقهر
تعالي شوفي حروفك..
على شريان من دمي
وتذبل فرحتي ساعة..
وأشوف الياس يتمخطر
ويترنم على نغمة.. تعالي وأقبلي يمي
وأطيح وفي يدي ورده..
وحظي في يده خنجر
يطعن أجمل أحلامي..
قبل ما الشمل يلتمي.
الأربعاء يوليو 23, 2008 9:48 pm